Kapambalajalan
Manaak do kounsikaan id sains
Kaanangan doid sains om teknologi ih apatut daa id tinimpuunon montok Sabah
By Nurhafizah Yusof
Pictures by Victor Lo
Petronas, sabaagi iso komponi tumau pogun, poinsodia do popotimpuun RM45 billion ($14.3) projik ih kopogompit tumau om giis id Sabah do toun diti, kaanangan kumaa doid sains om kikila apatut daa do mikot miampai do tumimpuun kumaa dioho ih balajal. Katapi okonko mositi iho. Tumanud do mongingia, kogumuan do susumikul dioho umivad mantad do balajalan diho sabap id pomusaavaan diho ih komozon do ababasan. Nga Hongkod Petrosains Playsmart popointahang do kokikitanai diho nakahasa: Sains kopounsikou om kikila nopo nga okonko komozon do osusa.
Mantad di minogukab do vavazaan dau di vuhan nakatahib, Hongkod diho ih kihinivang do 279-meter-pasagi (3,000-kaki-pasagi) id pagagahasan Buuk Pogun Sabah id Kota Kinabalu tuminimpuun do tinombuhui kuang hobi 4,000 susumikul ih mimang do kuminam do 70 model sains om kikila ih kopongunsub do balajal poingkuo monoodo do kavo om poingkuo iho do kapanau. Iti nopo nga hongkod di kumotohu id pogun diti. Duvo po vagu id Johor Bahru om Kuantan id Pahang.
“Iti kopokito do mogigizon id Sabah hohobi no kozo tuhun ngaavi tongomuhok ih kivaa do hizab doid sains om teknologi,” kadii Mohammad Medan Abdullah, buuan tagazo do Petronas monotk do kinaantakan ngaavi do koisaan.
Hongkod diho nimaan ukabo miampai do nokoimagon di Panakadai Montili Datu Nasrun Datu Mansor id koobian di Vozoon Montili Datuk Musa Aman.
Tumanud di Musa, hongkod diho nopo nga kopongunsub do komuhakan ngaavi do dumadi do abaa ngaavi teknikal doid sains. “Monguasa sains om teknologi kiguno kozo montok dotokou mooi do kakaal monongkibaai,” ka disido.
Nga Sabah nopo nga au okuangan do toihaan id sains. Giroon Ijod om Jevenney Wenson, ngoduduvo kiumul do 16 toun mantad sikul paangaan takavas id Tandek kokompungan do Kota Marudu nakahantoi tampat kotohu id piniboian do sains Petrosains kabansaan di toun nakatahib.
Kinosuangon doid Hongkod Petrosains Playsmart nopo aiso kabalai. Okabon iho mantad do jam kosizam doungosuab gisom kotuu ontok do tadau toomod om mantad jam 9 doungosuab gisom do jam 2 minsosodop id kohimpupuson minggu. – Insight Sabah
Pinahabus di ontok 16-01-2012 03:25 pm
Kopogiuman suvai:
Science & technology, Petronas, Petrosains, Musa Aman, Sabah, Oil & gas
We are making Sabah not just a gateway for trade, investment and tourism but a modern, vibrant, prosperous and harmonious place to live.
Prime Minister Najib Razak speaking at the open day of the Sabah Development Corridor in Kota Kinabalu on February 16.