Buul Sipakon
ManU monoodo do nuhudan $1 laksa doid Singapura
Bontugan Liga Perdana suminuang kubu tampat susumokodung doid Asia, mogium hoogo do apatut
Manchester United gumaab do mokiinsavat RM3 laksa miampai do papaapu do somboogizan mantad diho saham id Singapura.Paganakan di Glazer mantad Amerika ih sanganu do bontugan do buul sipakon do liga perdana diho humansan kopopuvan diho kopogovit hoogo di apatut. Kadii Glazer, kolob diho kihoogo do hobi mantad do £2 laksa (RM9.6 laksa). Nga ih papapapu do somboogizan diho kihoogo do £1.7 pound laksa, kadii sumber ih poingampai do pongulusan do pidondian diho.
Taanu do Manchester United di toun nakatahib nakatamba do hobi mantad do 8 piatus kumaa £156.5 lizong sundung potuu do kolugian poguhui do sukai soginumu £109 lizong om poingutang kuang hobi mantad £500 lizong.
Koponoimaan do koposuatan kolob diho di tuminimpuun ih minonoimo do saham ngaavi doid Singapura di maso mogium “Vazaan do Asia” montok do koposuatan di tagazo do sompomogunan. Nga ih mononoizuk nokotigog do Manchester United oh pinihi do Singapura sasabap no do aanangan montok no do mongiho do kuta ih tavakas doid Asia, Hong Kong ka dioho do minoboos do iti nopo nga pataanon di hobi vinasi id nombo do pokionuon do papaapu do kapadagangan di poinpatod.
Pinahabus di ontok 19-08-2011 09:49 am
Kopogiuman suvai:
We are making Sabah not just a gateway for trade, investment and tourism but a modern, vibrant, prosperous and harmonious place to live.
Prime Minister Najib Razak speaking at the open day of the Sabah Development Corridor in Kota Kinabalu on February 16.